Lamban Adat Lampung umumni terdiri anjak bang ghang unggal si disebut Lamban, Lambahan atau Nuwou, bangunan ibadah sai disebut Mesjid, Mesigit. Surau Rang Ngaji, atau Pok Ngajei, bangunan musyawarah sai disebut sesat atau bantaian, ghik bangunan pakai nyegokko bahan pemenganan ghik benda pusaka si disebut Lamban Pamanohan.
Lamban adat jellema Lampung biasanı diceccokko ghedik wat ghik berjajar sekejung ghelaya utama sai ngebelah kampung, sidi sebut tiyuh. Setiap tiyuh tebagi luwot delom pepigha bagian si disebut bilik yakdolah ghang bediom buway Bangunan pepigha buway ngebentuk kesatuan teritorial-genealogis sidi sebut marga. Delom setiap bilik wat sat lamban klen besar sidi sebut nuwou/lamban menyanak Lamban hinj) selalu ditunggu ulih kerabat si paling tuha sai ngewarisi kekuasaan memimpin keluarga.
Arsitektur lainni yakdolah "lamban pesagi" sai ngerupako lamban tradisional bebentuk panggung sai sebagian balak tediri anjak bahan kayu ghik hatokni anau. Lamban hinji buasal anjak pekon Kenali Kecamatan Belalau, Kabupaten Lampung Barat.
Wat ghua jenis lamban adat Nuwou Balak aslini ngerupako lamban ghang tinggal bagi para Kepala Adat (penyimbang adat). sai delom bahasa Lampung juga disebut Balai Keratun. Bangunan hinji tediri anjak pepigha ruangan, yakdolah Lawang Kuri (gapura), Pusiban (ghang tamu ngelapor) ghik Ijan Geladak (jan "cakak" mit lamban), Anjung-anjung (serambi depan ghang nerima tamu), Serambi Tengah (ghang mejong anggota kerabat bakas), Lapang Agung (ghang kerabat bebbai bekumpul), Kebik Temen atau kebik kerumpu (kamar pedom pakai anak penyimbang bumi atau anak tetuha), kebik rangek (kamar pedom pakai anak penyimbang ratu atau anak kedua), kebik tengah (yakdo kamar pedom pakai anak penyimbang batin atau anak keghua).
Terima kasih telah membaca artikel ini & dipublikasikan oleh Bahasalampung.com
0 komentar:
Posting Komentar