Di jaman tumbai wai Tulang Bawang ngeghupako daerah terkenal jama keganasan buha-buhani. Hal hinji nyaniko jelema asing atau penduduk disan harus buhati-hati nihan apibila wat di sekitar aliran waini, sebab ghadu lamon jelema sai lebon ghena ghiya ulih dimangsa buha.
Suatu hari peristiwa jelema dikanik oleh kaban buha terulang
luwot. Korbanni yakdo muli sikop rupawan geghalni Aminah. Kidang anehni, jasad atau potongan badan Aminah mak
kehaluan, kipak sunyin
kampung di tepi wai Tulang Bawang nyepokni. Muli sikop rupawan hena injuk lebon ditelon bumi.
Ajaibni, ternyata Aminah mak dikanik ulih kaban buha di wai
Tulang Bawang, la ingkah pingsan ghik diusung ulih kaban buha hena mit delom ghawong balak ghang
tinggalni ghaja buha. Sewaktu sadar. Aminah tekanjat nihan ulih ghadu delom
ghawong balak sai latap jama perhiasan emas, itton, permata, ghik perak sai mak
teghnilai haghgani.
Makung lebon ghasa tekanjatni, mak dinyeyana anjak tuku
ghawong balak tedengi suara sai biyak ghik balak "Semakung nyak ngeghedik
dang niku ghabai muli sikop ghupawan Kippak nyak bewujud buha. Setemonni nyak yakdolah jelema
geggoh jama dighimu munih. Nyak ghadu dikutuk jadi buha ulih
perbuatanku sai dianggop jahat. Geghalku yakdo Somad, perompak ulung di sekitar
wai Tulang Bawang hinji.
Segala harta benda sai niku liak di sekelilingmu hena yakdo hasil jarahanku
terhadap kaban saudagar sai bulayar dija. Kik niku haga tinggal jama nyak, seunyin harta sai wat delom
ghawong hina dapok jadi
demu. Nyak mak bakal ngekang niku tagan teghus tinggal dija. Kik niku tigham
jama keluargamu, nyak haga ngantakko niku nutuki terowongan rahasia sai ngehubungko ghawong hinji jama pekonmu.
Mak tisengaja si buha sai tumbai iolah perompak hena ghadu
ngebuka rahasia ghawong ghang kediamanni. Aminah secara seksama nyimak ghik ngingokko keterangan beharga
hena Pikirni, kik
seumpamani si buha lengah ia haga lijung ninggalkonni nyusuri terowongan
rahasia hena.
Sikkat cerita Aminah pun nyetujuini, kidang delom hati ia
ghadu nyusun rencana tagan dapok ngelepasko diri anjak si buha perompak. Rencana hena ia laksanako
ketika si buha lagi pedom mawas delom kamaghni. Daleh ngusung perhiasan sai cukup
lamon Aminah lapah injit-injit ngelalui terowongan rahasia sai ghadu dikeni
pandai ulih si buha.
Pepigha puluh menit seghaduni,
sampailah ia di banguk terowongan sai ternyata mak jawoh anjak pekonni. Selanjutni, ia langsung
tegagh nuju lambanni. Sedangko, Si Buha Perombak sai ampai minjak anjak pedom
mawasni ingkah dapok ngeghoh jaghi. la mak bani nyusul ulih ghabai haga dipatiko ulih jelema pekon.
Terima kasih telah membaca artikel ini & dipublikasikan oleh Bahasalampung.com
0 komentar:
Posting Komentar