Ceghita Pengalamanni Rika Jama Keluargani
Sewaktu Berkunjung di Musium Lampung
Assalammualaikum Wr. Wb.
Aghir bulan juni 2008, seghadu berkunjung jak bagi raport semester genap, nyak ghik keluargaku (Ayah, ibu, kakak, ghik adik-adikku) berkunjung mit Musium Lampung. Tujuan sikam yakdolah silain jak niat busyukugh jama tuhan ulih nyak cakak kelas ghik mansa nilai sai teghbaik, keghuani betujuan ngeliyak bukti-bukti peninggalan sejaghah nenek moyang gham sai wat di Musium Lampung.
Cutik lamonni pengamatanku sai dapok kuceghitako jama kuti yakdolah :
1. Masyaghakat Lampung ghadu wak jak zaman kerajaan Hindu Budha, semangkungni Islam kughuk mit tanoh Lampung, sai dibuktiko watni patung-patung peghsembahan.
2. Wat ni peghlawanan masyaghakat Lampung ngelawan penjajah Belenda ulih ngapegtahanko tanoh Lampung, dibuktiko wat ni bedil-bedil, tombak (payan), keghis, pedang sai ghadu buumugh ghatusan tahun.
3. Masyaghakat Lampung jak tumbai ghadu ngenal seni budaya sai dibuktiko wat ni macom-macom alat musik, gambus, rebada gendang, wat ni rias tayuhan beghupa lalidung, tighai,,laluhogh, ghik alat-alat kebayan/ maju, gegoh wat ni sigogh, ikat pujuk selappai, tapis ghik lainni, juga ghadu beumugh ghatusan tahun.
4. Masyaghakat Lampung jak tumbai ghadu ngenal baca tulis. Sai dibuktiko jama tulisan-tulisan akasara Lampung sai ditulis dibatu, bawak kayu, lempengan emas, perak ghik baghihni.
5. Masyaghakat Lampung jak tumbai kaya jama hasil bumini, dibuktiko jama wat ni balai (Lumbung) pakai nyimppan hasil bumi.
6. Masyaghakat Lampung jak tumbai wat hubungan dagang jama negagha-negagha tetangga, sai dibuktiko jama wat ni jukung (Biduk) sebagai alat transportasi, wat ni alat-alat dapogh sai buasal jak cina, gegoh cumbung, panang, ghitik, tiku, cakkegh sai bahanni jak porselin atau kramik sai umoghni juga ghadu ghatusan tahun.
Selayin jak bukti-bukti sejaghah diatas lagi lamon nihan bukti-bukti peninggalan sejaghah sai baghihni. Henalah sai dapok ku ceghitako jama kuti, lebih kughangni nyak ngilu mahap.
Wassalammualaikum Wr. Wb.
O) Ceghito Pengalamanno Rika Jarno Keluargano
Sewakteu berkunjung di Musium Lappung
Assalamumalaikum Wr. Wb.
Agher bulan juni 2008, seghadeu jak bagei raport semester genap, nyak jamo keluargokeu (Ayah, Ibu, kakak, jamo adik-adikkeu) bekunjung mit musium Lappung. Tujuan sikam ngenah buktei-buktei peninggaalan sejaghah nenek moyang gham si wat di Musium Lappung .
Cutik nayahno pengamatankeu si dapek keuceghitoken jamo materi iolah :
1. Masyaghakat Lappung ghadeu wat jak zaman kerajaan Hindu Budha, semakkungno Islam kughuk mit taneh Lappung , si dibuktiken wat no patung -patung peghsembahan.
2. Wat no peghlawanan Masyaghakat Lappung ngelawan penjajah Belando ulah ngapeghtahenken taneh Lappung, dibuktiken wat no bedil-bedil, tubbak (payan), keghis, pedang si ghadeu beumogh ghatusan tahun.
3. Masyaghakat Lappung jak ho ghadeu ngenalk seni budayo si dibukiken wat no macem-macem alat musik, gambus, rebada, gendang, wat no rias tayuhan beghupo lalidung, tighai, laluhogh, ghik alat-alat kebayan/ majeu, geggeh wat no sigegh, ikat pujuk selappai , tapis jamo lainno, jugo ghadeu beumogh ghatusan tahun.
4. Masyaghakat Lappung jak ho ghadeu ngenal baco tulis. Si buktiken jamo tulisan-tulisan akasara Lappung si ditulis dibatu, bawak kayu, lempengan emas, perak jamo baghihno.
5. Masyaghakat Lappung jak ho kayo jamo hasil bumeieno, dibuktiken jamo wat no balai (Lumbung) pakai ngejamuk hasil bumei.
6. Masyaghakat Lappung jak ho jukung (Biduk) sebagai alat transportasi, wat no alat-alat dapugh si buasal jak cina, geggeh cumbung, panang, ghitik, tikeu, cakkigh si bahanno jak porselin atawa kramik si umoghno juga ghadeu ghatusan tahun.
Selain jak buktei-buktei sejaghah denggak lagei nayah temmen buktei-buktei peninggalan sejaghah si layenno. Enolah si dapek keu ceghitoken jamo metei, lebih kughangno nyak kileu mahap.
Wassalamaualaikum Wr. Wb.
Terima kasih telah membaca artikel ini & dipublikasikan oleh Bahasalampung.com
0 komentar:
Posting Komentar