Ayahni Tata ghik Sila wat tellu muaghi ghik ghua nakbai. Sai tuha yakdo ayahni Tata,. geghalni Heri Lamon anjak Bundani Tata, wat enom keminan ghik ghua kemaman sai unyinni ghadu bela kawin. Bundani Tata diughau ulih kaban nakaknni jama ughauan uncu. Sekelik Tata ghik Sila nayah ulih anjak pihak keluarga ayahni sangun ghamik, api lagi anjak pihak Bundani wat enom kelepah ghik ghua puwaghi.
Ghani minggu pagi Tata ghik Sila besiap-siap haga lapah mit lamban datukni di tiyuh Merakbatin Unyin sai haga diusung ghadu tekughukko delom bagasi mubil. Tyan ghua kelepah mak lupa ngughukko munih pedatong guai keminan tiyan. Tata jama Sila wat keminan ghik kemaman sai umughni mak jawoh biga jama Tata. Keminan tiyan diughau biksu ghik kemamanni diughau pakcik.
Se waktu ampai tigoh di lamban datuk, Tata laju nyippok atuni, Kidang mak tungga ulih cawa datuk atuni lagi lapah pengajian. Ghena munih jama Rara, keminan tyan lagi mak ngedok di lamban. Saat sina sai wat di lamban Cuma datuk, pakik Rohim ghik pak ngah Helmi sai lagi ngedandan motor. Tata ditulih jama pak ngah Heimi bahwa tiyan ghatong Sila diantakko ayahni.
Pepigha munni menah atu jama biksu Rara makkung juga mulang. akhirni Tata ngajak ayahni mulang ulih ia kak bejanji jama kenubini, Nadin ghik Alin. Setemonni Tata makkung haga mulang. la lagi bettah begughauan jama pakcik Rohim ghik Sila Adikni kidang waktuni haga lapah belajagh langui kak haga tigoh. Ghasa mak bangik jama kaban kenubini. Tata ngajak ayahni mulang. la ngejelasko jama ayahni bahwa ia kak bejanji jama tiyan sina. Mak bangik ghasani lamon sappai mak tepat janji, api lagi lamon jama cik Alin sal ngeghupako kenubi anjak kelepah bundani sai tuha.
Terima kasih telah membaca artikel ini & dipublikasikan oleh Bahasalampung.com
0 komentar:
Posting Komentar